ភ្នំពេញ÷ រដ្ឋមន្ត្រីអប់រំ លោក ហង់ជួន ណារ៉ុន បានលើកឡើងថាតាមរយៈការយកចិត្តទុកដាក់របស់នាយករដ្ឋមន្ត្រីកម្ពុជាសម្ដេចតេជោ ហ៊ុន សែន និងសម្ដេចកិត្តិព្រឹទ្ធបណ្ឌិតបានលើកស្ទួយវិស័យអប់រំកាន់តែខ្លាំង។ លោកបានលើកឡើងថាមកដល់ឆ្នាំ២០២៣ នេះសាលារៀនដែលផ្ដល់ដោយនាយករដ្ឋមន្ត្រី និងសម្ដេចកិត្តិព្រឹទ្ធបណ្ឌិតបានកើនឡើងដល់ជាង ៥ពាន់ខ្នងហើយ។

លោករដ្ឋមន្ត្រីក្រសួងអប់រំ ហង់ជួន ណារ៉ុន បានថ្លែងអំណរគុណជូនចំពោះសម្ដេចតេជោ ហ៊ុន សែន និងសម្តេចកិតិ្តព្រឹទ្ធបណ្ឌិត ប៊ុន រ៉ានី ហ៊ុនសែន ដោយថាតាមរយៈការជួយផ្ដល់កសាងនូវអាគារសិក្សាជាង ៥ ០០០ខ្នង ដែលមានប្រមាណជាង ២ម៉ឺនបន្ទប់នេះបានជួយសម្រួលដល់ការលំបាករបស់សិស្សានុសិស្សក៏ដូចជាក្រុមគ្រូបង្រៀនកាន់តែប្រសើរ។

លោក ហង់ជួន ណារ៉ុន ថ្ងៃបែបនេះក្នុងពិធីបិទសន្និបាតអប់រំ យុវជន និងកីឡា ថ្ងៃទី១២ ខែមេសា ឆ្នាំ២០២៣នេះ នៅវិទ្យាស្ថានជាតិបច្ចេកវិទ្យាភ្នំពេញ៕